Cyfres Seminarau’r Coleg Doethurol
Ymunwch â ni ar gyfer ein seminar nesaf yng Nghyfres Seminarau’r Coleg Doethurol. Mae’r gyfres o sgyrsiau yn dod ag ymchwilwyr ôl-raddedig a staff ar draws y Brifysgol at ei gilydd er mwyn rhannu mewnwelediadau i straeon a dysgu ymchwilwyr.
Croeso i bawb!
Decolonising Practice and Research: Integrating Theory and Application
Dr Tunji Offeyi
1 Mai
12yp-1yp
Birmingham ac Ar-lein
Mae’r seminar hon yn archwilio sut y gall persbectifau dadwladychol ac ôlwladychol, safbwyntiau Affroganolog, a systemau gwybodaeth Brodorol lywio ymarfer proffesiynol ac adfyfyrio damcaniaethol ar yr un pryd. Gan ganolbwyntio ar ddefnyddiau ymarferol megis prosiectau treftadaeth, mentrau polisi diwylliannol, ac ymgysylltu â’r gymuned, mae’r sesiwn yn dangos sut mae ymagweddau beirniadol at systemau gwybodaeth Affrica, pŵer a chynrychiolaeth yn llunio gwaith a phenderfyniadau yn y byd go iawn. Mae hefyd yn ystyried sut mae’r profiadau hyn yn croestorri â fframweithiau damcaniaethol a chysyniadol, gan dynnu sylw at y berthynas ddwyochrog rhwng ymarfer ac ysgolheictod. Gofynnir i gyfranogwyr adfyfyrio ar heriau, cyfleoedd a strategaethau ar gyfer integreiddio’r canfyddiadau hyn i’w cyd-destunau ymchwil a phroffesiynol eu hunain, gan feithrin deialog sy’n pontio disgyblaethau, sectorau a chyd-destunau wrth ganolbwyntio ar ddulliau Affroganolog a dadwladychol.
Bywgraffiad
Newyddiadurwr Nigeraidd-Brydeinig arobryn yw Dr Tunji Offeyi, bardd a Chymrawd Byd-eang Salzburg. Cwblhaodd Ddoethuriaeth Broffesiynol (ProfDoc) mewn Treftadaeth ym Mhrifysgol Cymru Y Drindod Dewi Sant (PCYDDS), ac ef oedd y cyntaf i raddio o’r rhaglen.
Mae ymchwil ac ymarfer Dr Offeyi yn cwmpasu safbwyntiau dadwladychol ac ôldrefedigaethol, gwybodaeth, treftadaeth a mynegiant creadigol Affroganolog a Brodorol, pontio theori ac effaith yn y byd go iawn. Mae ei waith wedi llywio prosiectau ar lesiant, naratifau treftadaeth, a pholisi diwylliannol, gan gynnwys Prosiect Llesiant PCYDDS (UWTSD Cares) a chyhoeddi llyfrynnau megis Heritage Narratives with Pictures a Songs of Happiness.
Yn newyddiadurwr wrth ei alwedigaeth, hyfforddodd Dr Offeyi ym Mhrifysgol Derby a The Guardian (Y DU), ac mae’n gweithio’n rhyngwladol ar draws y cyfryngau print a digidol. Mae ei adroddiadau yn cynnwys cyfweliadau â ffigurau amlwg megis Izi Codron (cynhyrchydd Hotel Rwanda), Tee Mac Iseli, sêr Nollywood, ac academyddion blaenllaw. Mae ei ysgrifennu wedi ysgogi newid cymdeithasol, gan gynnwys camau gweithredu’r llywodraeth ar broblemau cymdeithasol gyda’r nos yn Lagos, ac mae wedi cael ei gyhoeddi’n rhyngwladol ar draws Nigeria, y DU, yr Unol Daleithiau, Malta, Awstria, a’r Swistir.
Dr Offeyi yw awdur dau waith creadigol: Echoes from the Soul (barddoniaeth) a Many People: Different Tales (straeon byrion), ac mae wedi cyfrannu at nifer o gyhoeddiadau ysgolheigaidd a chreadigol ar dreftadaeth, cerddoriaeth, hybridiaeth, astudiaethau ôlwladychol, a dulliau dadwladychol. Mae ei gymwysterau academaidd yn cynnwys MA mewn Cysylltiadau Rhyngwladol
(Prifysgol Swydd Stafford), BA mewn Llenyddiaeth mewn Saesneg (Prifysgol Talaith Lagos), a thystysgrifau gan Brifysgol Rhydychen (Y DU) a Phrifysgol Canolbarth Ewrop, Budapest, Hwngari.
Mae Dr Offeyi hefyd yn cynnig gwasanaethau proffesiynol mewn ysgrifennu areithiau, ymgynghori ar bolisi cyhoeddus, mentora ac ymgysylltu â’r cyhoedd, gan arbenigo mewn cyd-destunau Gorllewin Affrica, Prydain ac Ewrop.
Cofrestrwch yma