Hysbysfwrdd a Chyfleoedd
Croeso i’r dudalen Hysbysiadau a Chyfleoedd.
Dyma’r ganolfan swyddogol ar gyfer yr holl gyhoeddiadau ffurfiol, diweddariadau a gwybodaeth allweddol ar gyfer myfyrwyr ôl-raddedig presennol a staff goruchwylio.
Yma fe welwch ddyddiadau pwysig, newidiadau polisi, a hysbysiadau swyddogol sy’n berthnasol i’n cymuned.
Ydych chi’n defnyddio AI yn eich ymchwil?
Gwnewch yn siŵr eich bod yn deall rheoliadau presennol y brifysgol yn glir.
Mae manylion i’w gweld ar ein tudalennau Hwb AI.
Dal ddim yn siŵr?
Dewch i un o’r Sesiynau Galw Heibio ar Foeseg i’w drafod ymhellach.
Ceir manylion dyddiadau ac amseroedd yn y calendr digwyddiadau.
Dysgu Cymraeg
Mae’r Brifysgol yn cynnig Cyrsiau Hunan-Astudio lefel Mynediad a Sylfaen am ddim i fyfyrwyr.
Hyfforddiant Sgiliau Ymchwil i Fyfyrwyr Ôl-radd
Mae’r Coleg Cymraeg Cenedlaethol yn cynnal cyfres o gyrsiau hyfforddiant sgiliau ymchwil i fyfyrwyr ôl-radd dros y misoedd nesaf.
Mae’r hyfforddiant yn agored i fyfyrwyr ôl-radd sy’n siarad Cymraeg o bob prifysgol, ac yn ymdrin â materion fel trefnu a chynllunio ymchwil, defnyddio ffynonellau, dulliau ymchwil, sgiliau ysgrifennu academaidd, ayyb, yn ogystal â materion yn ymwneud ag iechyd a lles, a hyrwyddo gyrfa a chyflogadwyedd.
Darperir yr holl hyfforddiant am ddim, ac mae croeso mawr i unrhyw fyfyriwr MA, MPhil, PhD ac ymchwilwyr gyrfa gynnar sy’n siarad Cymraeg, beth bynnag yw dy bwnc a phwy bynnag sy’n dy gyllido.
Mae rhagor o wybodaeth a’r ffurflen gofrestru ar y dudalen hon.
Am ragor o wybodaeth, cysyllta â:
Dr Manon James
E-bost: m.james@colegcymraeg.ac.uk
Safonau’r Gymraeg ac Ymchwil Ôl-raddedig
A ydych yn cynnal ymchwil yng Nghymru neu gyda chymunedau Cymraeg, ac yn teimlo’n ansicr ynglŷn â sut mae Safonau’r Gymraeg yn berthnasol i chi? Darllenwch yr isod i ddysgu rhagor.
Fel myfyrwyr ymchwil ôl-raddedig mae Safonau’r Gymraeg yn PCYDDS ond yn berthnasol os yw’r prosiect ymchwil yn effeithio ar benderfyniad polisi’r Brifysgol h.y. unrhyw benderfyniad a wneir gan y Brifysgol sy’n ymwneud ag arfer ei swyddogaethau neu gynnal ei busnes neu fenter arall. Felly ar wahân i’r amod uchod, nid yw’n ofynnol i fyfyrwyr gydymffurfio â Safonau’r Gymraeg yn eu prosiectau ymchwil.
Fodd bynnag, mewn perthynas ag arfer da, efallai y bydd myfyriwr sy’n ymgymryd â phrosiect ymchwil yn dymuno ystyried:
(a) a yw cynnwys y prosiect ymchwil yn awgrymu y dylid ei gyhoeddi yn Gymraeg, neu
(b) a yw’r gynulleidfa a ragwelir, a’u disgwyliadau, yn awgrymu y dylid cynnal y prosiect ymchwil yn Gymraeg.
Os hoffech ddysgu rhagor am Safonau’r Gymraeg yn PCYDDS a thrafod sut maent yn effeithio arnoch, croeso i chi siarad â thîm yr Iaith Gymraeg ar iaithgymraeg@pcydds.ac.uk